Allgemeines plattdeutsches Volksbuch/Dei Denkstunn

From Wikisource
Jump to navigation Jump to search
<-- Wovon dat Fluchen kümmt Allgemeines plattdeutsches Volksbuch Dei Köster un dei Buren -->

     Ein oll Schaulmeister süll noch na dei nie Mod sinen Paster ümmer einen Stunnenplan inreiken. Hei let sick von einen jungen Schaulmeister in dei Nawerschaft so'n Ding wisen un em geföll dei Denkstunn' darin am meisten. Hei sett't also ok in sinen Stunnenplan: Von acht bis neun Denkstunde. Sin Paster freut sick, dat dei oll Mann sick so schnell in dei nie Art tau finden weit un besöcht dei Schaul eines Morgens in dei Denkstunn'n, Da süht hei denn, dat dei Kinner spelen un dat dei Schaulmeister sin Morgenbrod ett un seggt: Ick mein, von achten bet negen hebben dei Kinner Denkstunn'n? Ja, Herr Paster, seggt dei Schaulmeister, ick lat sei ünner dei Tid denken, wat sei will'n.