Alla trattoria

by Gaetano Sbodi

Alla trattoria by Gaetano Sbodi

Gaitan Sbodi (1844-1920)‎

Alla trattoria

- Buongiorno, scior... el voeur fà colazion?
- Sì... damm... - S'el cred, gh'è pront on bell'oggin...
- Off! Prima... damm... - Quatter fett de giambon?
- No... damm.... - On para d'oeuv in cereghin?

- Oh Dio! Gh'è no... - Gh'è on bell quart de cappon...
- A less? - Sì, a less... E insemma, el sò brodin...
- No! No! Ghe vorariss quaicoss de bon...
- Ch'el senta: el vpeur on bell rost de coin?

- Off! Famm puttost... soo nanch... - Fritto piccato?
Quell lì l'è on piatt petitos... - Ma sì, el soo!...
Mì vorariss.... - On risottin saltato?

- Ah, caro ti! - ghe disi quell che gh'hoo!...
- Damm on quaicoss che gusta on poo el palato...
- Ch'el senta, scior, el voeur on piatt... sul coo???...