All'amis Tomasin Pert Podestàa de Com
Jump to navigation
Jump to search
Gioann Rizzonich (1789-1875)
All'amis Tomasin Pert Podestàa de Com
che per famm tasè el m'ha mandaa ona musiroeula de can
Ho ricevuu el regal ch'el m'ha mandaa
de quella musiroeula, all'uso can;
chi me comanda l'è on'autoritaa
donca comenci a mettela doman;
verament ghe sta no la caritaa,
e l'è contra el dover d'on bon cristian,
quel de mandamm intorno immusellaa,
per famm fà la minee e batt adree i man:
e poeu se dovess dì ona quaj parola,
come ho de fà, se no poss verd la bocca?
Ho propri de strozzà tutt coss in gola?
Crepà già no!... Donca l'è colpa luu
se in circostanza de parl, me tocca
de parì on porch, e de respond col cuu.