Al pievel romontsch
Al pievel romontsch
Stai si, defenda,
Romontsch, tiu vegl lungatg,
Risguard pretenda
Per tiu patratg!
5Dedesta tut cun tun sonor
Dil frontsch romontsch cantau da cor!
Quel tuna ferm e suna dar
E cuora senza balbegiar,
Gie, cuora senza balbegiar,
10Essend artaus dal best matern schi car.
Stai si, sedosta,
Romontsch, pil plaid grischun,
Lai buc a posta
Satrar tiu dun!
15Tiu cor, tiu spért ein umbrivai
Dai vierv romontsch e vegnan mai
A concepir in auter senn,
A parturir in niev talent,
Gie mai midar il scaffiment:
20Romontsch ei tia sort, tiu truament.
Stai si e mira,
Romontsch, tgei avantatg,
Midond natira,
Tes frars han fatg!
25Il vierv matern vegn emblidaus,
Ii plaid tudestg ei scumbigliaus;
Biars plaidan mender ch‘ils affons,
Schizun Tudestgs da treitschien onns.
Gie, tudestgai da treitschien onns
30Han aunc adina plaids romontschs danvonz.
Stai si e senta,
Romontsch, ei cor sincer
La vana stenta,
Va buc en err!
35us schiembers creschan spels glatschers
E seccan vi, plantai els ers.
Ed il romontseh, lungatg alpin,
Naschius ei clar dil matutin,
Carschius ei clar dil matutin,
40Ruina tiu talent cun sia fin.
Stai si, Giadina,
Stai si, ti Sut- e Sursilvan,
Tegn car adina
Tiu plaid roman!
45La mumma plonscha, audas ti?
Vilenta quella buca pli!
Mo fai siu plaid sincer udir,
Che cuschentava tiu bargir,
Quei plaid migeivel dar sentir,
50Che vos dus cors e spérts san entelgir.
|
This work is in the public domain in countries where the copyright term is the author's life plus 70 years or less. See Copyright.
|