Al bonedels obsik!

Nüm at binon lätik, kel opubom in yel at. Segun slud vpakluba Hannover gased obsik popübom luüno mälna i du yel suköl. Sikod begobs bonedelis palestimöl oas, denuön sunüno bonedami, mögiküno nog büfü fin yela at, bi nüm 7. opubom luvelato ya beginü u zenodü balul yela suköl. Bonedasuäm binom i plo nüms suköl 6 maks 1,50 u flon 1 u frans 2 u sentabs 40, (se selän me potakomit); ye lensumobs as peli i pöpamoni e potamäkis nepegeböl deutik, löstänik e rusänik. Uts, kels evipoms getön gasedi obas, ab no nog epeloms, u te dilo (log. nüm 1, fl. 6 löpo) kesedomsös suami pötik.

Monasedots valik pasedomsöd al ladet jünuik cifa vpakluba Hannover, Max Wahren, Friesenstr. 39, Hannover, Deutän; penods e spods valik plo redak nemedamo al: Villa Kathisberg, Meran, Tirol(än), Löstän, kelöp redakel ostebom demü saun oka du nifatim at jü fin folula yela suköl.

Se Volapük: Gased al pakam Volapüka 1894, Nüm: 6, Pad: 1.