Al Carrocedo
Jump to navigation
Jump to search
Llagrimina de Dios, rapaz parlleru,
Enriador y espumósu gorgoritu,
Gotera d' un llagar del infinitu,
Sorbiquín corredor y bullangueru.
Siempre rebizcador y gayasperu
Lixeru y blincador como un cabritu
Que sin miéu al escayu ó al espitu
Abaxas dend' el mont' hasta 'l Riberu !
¿ Qué mósica é meyor que tó mormullu ?
¿ Qué canticu hay igual á tó sormiella ?
Yo q' aborrezo 'l mundanal barullu
Y tó so 'l corazón dura postiella,
Solu me queda 'l placenter' orgullu
D' haber nacíu á to floriada oriella.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse