Ai poetta che scriven su la mort de Maria Teresa

From Wikisource
Jump to navigation Jump to search
Ai poetta che scriven su la mort de Maria Teresa  (1780) 
by Francesco Girolamo Corio

Francesch Girolom Coeuri (1713-1796)

Ai poetta che scriven su la mort de Maria Teresa

Anmò sonitt! Oh Vergina Maria!
Soo ben che ghe n'è dent anca de bej;
ma cossa serv per lee la poesia?
Disígh del ben, fiœuj, che farii mej.

Chi fa matt el Danubi, e vœur che sia
la Pas in gran cuntee, chi a fà consej
mett i vertù in prozint d'ess casciaa via
di vizi che ?dan fœura già el besej.

Chi manda mezza Austria a fà el remitta,
chi a l'Ongaria fa strappà i barbis,
chi fa scappà la Provvidenza in slitta.

Disii puttost quell che la fed ne dis,
che santa mort l'è frutt de santa vita
e che a l'ora d'adess l'è in paradis.

Ch'el sucessor l'imita
tutt i bonn oper che la fava lee:
come hii ditt quest, tasii ch'hii ditt assee.