Aftabî Husnî To
Aftabî husnî to roj e ke dê û awa debê
Qametîşit wek hîlalî yekşew e awa debê
Kame dana mêzerî dana û fêsî kirde ser
Bêheyar û serpel û serxoş û bêperwa debê
Padşahêkim heye ger min bikate dergewan
Hacîb û xeddamî min Eskender û Dara debê
Dawî nawe zullfî dûlane le herdû lamewe
Dill giriftar e eger lem la nebê lew la debê
şew le bezmî dulberim bem te’ne wa sûtandimî
çawî da perwane fermûy ‘aşîqî her wa debê
Wasîfî qeddî eto xamey debête ney şeker
Elfî qeddî musteqîmî qafîyeyî balla debê
Ser sipî û dill reş bû Hacî ta feqê bû, êstekeş
Rûreşêk e rîşsipî, Xuwa ‘alîm e her wa debê
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse