Aebär!

Aebär!.
Author:	Carl Bradt
Text type:	Gedicht
Comment:
:

Aebär, Aebär, goder,
bring mi ’n lüttjen Broder!
Bring enen, de nich quarkt un schuult,
de ok mal lacht un gar nich muult.
Aebär, Aebär, goder,
bring mi ’n lüttjen Broder!

Aebär, Aebär, bester,
bring mi ’n lüttje Schwester!
Söök di ne ganze fine ut,
un bring mi bloß kien Leckersnuut!
Aebär, Aebär, bester,
bring mi ’n lüttje Schwester!

Aebär mit de langen Been,
tööf man nich un haal mi een!
Nimm man so’n richtgen deegten Slag,
de ok mal Spaaß verdreegen mag!
Aebär mit de langen Been,
tööf man nich un haal mi een!