About An Old Sow Going To Be Killed

ABOUT AN OLD SOW GOING TO BE KILLED.

1

"Murreen leam, kish am." Ich aam goan maake mee will.
At skelpeares an slaugheardhes mye leeigh aar ower vill.
Mot earch oan to aar. Ich mosth kotch ee bat.
Ee skudheles, lhaung roosta, wull glaude leth aam what.

2

Ich aam a vat hog its drue. Aar is ken apan aam.
Goude vor no oan dhing, niether treesh ar thraame;
Na speen to be multh, nar flaase to be shaure.
Vear'd nodhing mot Portheare. No skeine e'er ee-waare.

3

Ing crappes o' a shearde ich had a cousaane.
Ich woode be pitcht ee kurkeen, ar zippeen, to a coolaane.
A plaauge apan Portheare! Hea'de luther mee well.
Beteesh a kraaneberry-bushe an a ellena-ghou.