A tutt i mee amis
Gioann Rizzonich (1789-1875)
A tutt i mee amis
Se gh'avevev la smania che stampass
stii quatter ciallarij che stampi incoeu,
ve preghi adess de no desmentegass
ch'el foo per util di pover fioeu.
Farii donca el piasè de presentass
cont i trè svanzeghett nel palpiroeu
dai libree, che saraan per destinass
a vend sto librettin a chi el le voeu.
Mi parli ciar – En regali nanch vun! -
Perchè el sarav on robà sull'altar;
e anca per no fa intort en doo a nissun.
Se vorii donca fa ona caritaa
pensegh minga a on fiornin, nè fee l'avar,
ch'el sarà dal Signor centuplicaa.