A teutt se remedia...

From Wikisource
Jump to navigation Jump to search
A teutt se remedia...
by Giovanni Lonadi

Gioann Lonad (1852-1920)‎

A teutt se remedia...

'Na donna, che g'àa casa 'n pòo lountan
dal fournèr, dal latèr, dal boutigher,
per faa 'n viagg sol, quand la prouved el pan,
la compra anca verdura, latt, bouter...

Ma se capiss: dò sole a j'è le man
e la soo sporta l'è miga 'n gran paner;
e 'n dé, per faa a mènt a l'ourtoulan,
la s'è iutada coun en bèll mester:

el scartòzz del bouter mètel in sèn,
e la ciciara 'n pezz teutta distratta
senza pensaa se l'era mal o ben...

Intant la paciarella la s'è fatta;
ma lee, che a faa del brod tant ghe counvèn,
... mètt la camisa a bóier in pugnatta...!!