A scola
Jump to navigation
Jump to search
| ←In carriera | A scola (1894) by |
Bollètta allegra→ |
«Insomma, che la senta, la mia donna
A scola se po minga fa così;
O lee la studia e la diventa bonna,
O mi la mandi a casa on quai bell dì»
– Te sentet, voij, te sentet, cicciaronna,
I bej informazion che gh'hoo de ti?
Fatt mandà a cà... fatt cascià via, birbonna,
E pœu, sta quietta, che te rangi mi!...
E mi ghe tendi neh... de bott ne ciappa...
La pesti... come l'acqua in del mortee...
Ma già l'è istess... le scurta nò la lappa.
E pœu... la me capiss... l'è mamma lee?...
E quand ben ghe n'hoo daa... l'è mia sta tappa...
Va in sulla forca, disi, adess l'è assee!...