A s'andira
Jump to navigation
Jump to search
In sa piazza 'e Bosa
passizzan a Pilatu
donzi borta 'e die.
In sa piazzza 'e Bosa
mama tue t'hat fattu
pro incantare a mie,
parma deliziosa.
Unu fundu 'e pirastru
est prontu a lu mazzare,
est in color'e oro.
Unu fundu 'e pirastru
non ti brinches su coro,
lassamilu toccare
ca so' pizzinnu mascru.
Settantaduos rios
falan dae Monte Santu
e bagnan sos lavores.
Settantaduos rios
poveros ojos mios
distruttos in piantu
pro unu basu 'e amore.
Fantinos sedilesos
curren a caddu nudu
chene sedda nen brillas.
Fantinos sedilesos
piccaeli unu saludu
a sas famillias bostras
dae sos nugoresos.
A Santu Franzisc'ando
e mi lu giamo a boches
dae sa cumbissia.
A Santu Franzisc'ando
totuu sa cumpannia,
sos chi semus inoche
duremas a chent'annos.