A morì se fa prest
Jump to navigation
Jump to search
Francesch Pertusaa (1741-1823)
A morì se fa prest
Ammalass, mettes giò, vess lusingaa
de guarì prest, e andà de mal in pesg,
no vorè intorna al lecc nè pret nè fraa,
per no parì bigott nè spaguresg;
signoccà, straparlà, sentiss strozzaa
del gatarr a la gola, e intant fass lesg
istoriell, fandoni e novitaa
come gent che no gh'ha nè fed nè lesg:
poeù el curat bora bora o el cogitor
per desponn l'ammalaa, per confessass,
poeù s'ha de portagh subet el Signor;
Dan! dan! dan! se ghe sona l'angonia....
l'è mort quell bon lavor, quell pientaball!
Inscì, ohimè!, paricc sciori volten via.