A l'eminentissem sur cardinal arcivescov Stampa
Jump to navigation
Jump to search
Steven Simonetta (XVII sec.-1754)
A l'eminentissem sur cardinal arcivescov Stampa (prima del 1742)
A L'EMINETISSEM SUR CARDINAL ARCIVESCOV STAMPA
SUL CROCIFER MORIGGIA E LA SOA MULLA
Sciur cardinal, guardee la vostra mulla
come ben la someja al vost Moriggia:
guardee la mulla, e vedarii Moriggia,
guardee el Moriggia, e vedarii la mulla.
In ardion con bizzarria la mulla,
drizz e tiraa come on stanghett Moriggia;
la mulla de pell scur come Moriggia,
Moriggia longh de coll come la mulla.
Tutt quant de negher l'è vestii Moriggia,
tutta de negher l'è quattaa la mulla,
sicchè paren tutt'un mulla e Moriggia.
No se destingu, guardand Moriggia e mulla,
se la mulla sia sott, o su el Moriggia,
se el Moriggia sia sott, o su la mulla.