A chi voress critegà
Lissander Garion (1743-1818)
A chi voress critegà
Coss'eel sto refignamm su tant el nas
perchè vestissi Omer de Meneghin?
Gnanch s'el vestiss, sia malanaggia asquas
de ruee, de magutt, de sciavattin.
A la stoffa inscì bella, che la pias
anca ai strani; ai diamant, perla e rubin,
che gh'è su a mucc, nol resta persuas
ch'el vestii l'è scialos, nobel e fin?
Sur critegh che nol sia tant intregh
de battezzà el lenguagg di nost Carlon
derusc comè la lisca di cadregh.
Oltra a ess gentil, l'ha on mondo d'espression
ch'hin perla e gemm fettiv portaa di Gregh:
ch'el vaga a consultass col nost Varron.