209. Danam maniföfik

Valikes söles pelestimöl se Vürtemberg, kels obes emökoms jöniki levemo e ladliki deli, vo deutiko ladäliki e juitiki de Jemerberg^[1] (tusdeli setul balsetelid ata yela), deli balida lasama volapükik de kopanals vels jü jöls, binomöd pesepüköl atoso (ko atos) ladadan nimatikün fa redak volapükableda maniföfo! Pato melitoms dani at: söl ledinitik pädel, julasulogel e poedel betikälik Y. Sterer^[2] in Vart῾ausen^[3], kel obis voiko änindukom in löfiki regakinäni nilelik Vürtemberg(i) veläto; fälo söl nefenik volapüka cif e tidel R. Knile^[4] in Jemerberg, söl kanälik pädel ῾Oyer^[5] iés, söl löpostäfasanel^[6] Göser de Ulm, cogel leladälik; fälo söls löfadigik keblods^[7]: dokel Sauter de Asmanshart^[8], küligilel ῾Erzer (‚ladél‘) de Laup῾eim (no ‚Laufeim‘!)^[9], söl lotik pädel Müler de Alberveiler^[10], söl flenik benodatel Kl. Rig de Vart῾ausen^[11], söl lejäfik tidel Ils de Alberveiler, e fino valiks söls plisenik (ebinöl us), kels me pükods, dlinapets, kanit e musig… äkevolekoms al nidi dela.

Jemerberga del aiblibom pepenöl obés dibiko in lani, e sikod oiblibom obés nefögetik. —

Küpets (fonät: ‚Wikisource’).

1. Schemmerberg
2. J. Stehrer
3. Warthausen
4. R. Kniele
5. Hoyer
6. Oberstabsarzt
7. Confratrr
8. Sauter von Aßmannshart
9. Kaplan Herzer von Laupheim (nicht ‚Laufeim‘!)
10. Müller von Alberweiler
11. Benefiziaten Kl. Rieg von Warthausen

Se Volapükabled zenodik 1882, Nüm: 23, Pads: 93.