191. Penéd balsekilid
„P.....a, da Savierzie in Polän lusänik (lelod Varjau-Vin):
Ledinita onsika sedi gudlik egetob bü dels mäl, e do viliko edanoböv ladlikün volapükiko onsé plo sed ot, deno obé no nefikulo binos mögik penön volapüko, bi obe vöds mödikün nog binoms nepesevik al pükön. Sikod zeponsöd dani gudikün oba in motapük obik, e binonsöd peseföl milagama dibikün oba plo volék gletikün tima nuik! —
Ko penéd at potob ms. lul as suämi boneda plo volapükabléd yelas balmil jöltum jölsebal e jölsetel, e begob ledivodikün, al potön nümis dabalik egelo nemedamo len obi… Fälo if ledinit onsa ya epübons vödasbuki…, begob vem, al potön obe samadi bal en me nanam suäma…
Fino gälosöv obi vemo panunön, va is in Polän, spetivo Lusän, ya sibinoms löféls volapüka, al spodön ko öts eventuó dem pakam püka onsik. Tän onunoböv vilik onsi pötatimo dö seks töbamas obik, e geboböv valikosi, al menodön stadi monik onsa.
Ledinita onsik
Se Volapükabled zenodik 1882, Nüm: 21, Pads: 85.