139. Noted al Löstakini
In Meidling lä Vin klub volapükik efomomok, kel plo pük at obsa netasfetana valemik tikäliko materik binom vemo betikälik e ziliko dunik. Bisiedél ata kluba binom söl volapükatidel e sanel plagik dl. (dokél) Moriz Oblidal[1] us (glesüt jönbrunik[2], nüm baltum e zül). Utis valik, kels in e zi Vin nitedomsok plo pük valemik obas e viloms lenadön e födön püki at ya peseviki in vol lölik: lüjonobs al klubi at komedik stenüdalas plobik volapüka. Ebo plo Löstakin möpükik ko püks oma mödiküno lefikulik kanom e sötom vo blinön volapük gletikünis pöfüdi e läbadi. Sikod nek us geblibomöd in föd beginama obsik zispanöla voli! (Fetans sümik sibinoms u binoms vedöl in Pleús, Melop, Sved, Nelij, Flent, Täl…)
Küpets (fonät: ‚Wikisource’).
Se Volapükabled zenodik 1882, Nüm: 15, Pads: 63.