107. Pened zülid
„O söl vemo lestimlik!
Ko gäl ladlik äliladob bü vigs ans dö pädesänöl fa ons beginam jafa püka valikodik. Döl at äbinom sis yels mödik de ob tik löfäbik, ed ätikob en nenumikná, lik äkanós-la pabeginön, al dagetön nitedlikis plo din at (en). Bi cal oba binom leó votik, e bi äsenob, das def sevas pükik no fägóm-la obi, al okanön dunön pöfüdikosi plo din at levemo jönik e valikodiko pöfüdik: also ejenos, das ämütob valadön, jüs ek ämekom begini.
Begob nu onsi, o söl pestimöl! lasumön obi äs juleli lätik onsa, ed otuvons in ob ed in cils oba sovafeli danik plo sid pesovöl onsik.
Onsa divodikün
H. A. N…….r,
nügenel lektinel[1].
Parí[2], yel balmil jöltum jölsebal, otul telsejöl.
Süt de S., nüm bal[3].“
Küpets (fonät: ‚Wikisource’).
Se Volapükabled zenodik 1881, Nüm: 12, Pads: 49.