/დუდი 7

please do not remove empty parameters (see the template documentation).

ჸილოშტყებამი by [[Author:{{{author}}}|{{{author}}}]]

გინმათნგალი დავით ჯანჯღავა

პირველი საჸოროფო ჭარილი ნესტან -დარეჯანიშჷ ტარიელშა მენაჭარა

248.ჭარილჷქ მომირთ თიში ორდუ მიშით მონტუ გურს დაჩხირი
მოვჭარუნდუ: „ნჷ იტანჯებუქ, ქემიოტე ხანდა შხირი.
სქანი ვორექ, ნუ ღურუქი, ვჯოგუ გლახა, მიჸორს ჯგირი
უდროვოთ ნუ დოგიტენს უსქვამაში ვარდიშ პირი.

249.მუ ჸოროფარენი გიჩქუ წვალება დო ხანდა შხირი?
უჯგუ ჸოროფილს ოძირე ამბე მუთუნ გასაკვირი.
ხატავეთის ნადელს ვარძენთ იდონეთიშ კოჩი ირი:
აწი იდი, დემორჩილი, ლჲაჸაფი დო დიჭყი ბირი.

250.სქანი მოკოდ წოხოლეთი - გიფუჩუა - ქომონჯალჲა;
ორაგადეთ ვამიძირუქ თეთ გევჩამუ მა ტანს ჭვალჲა.
ჩქიმჷ ჸოროფათ გინორთელჲექ გამიგებუ მა მართალჲა.
აწი გური მიკირთინე, ქემიოტე ნგარა, თვალჲა.

251.დასურ რთხულჲე, ქედეჯერი, გამარჯვებულქ მორთი ვშანე,
ხატავეთიშ ქივანასი სქანი დუდი გაასქანე.
უჯგუ ცუდას ვენგარენი, გური ჩხანას მეურჩქვანე.
ბაგაქჷ მეტი სი მუ რღოლჲა აჰა, სერი გოგითანე.“