* ჟინიში ორო თე ქანაშ
Jump to navigation
Jump to search
ჟინიში ორო თე ქანაშ
განჩი ქოფთქუენ, ვაშინერს,
ღორონთი ვაგომტიბუანს
გურიშ-ჭუაში მაშინეს.
მაფშალიაქ ილორიშ
ბაღის ბირა მიოტუ,
ოკალმახეს, ინოხონს
ბორია ინიკიონტუ.
ვარდიშ ბაღი მიღუდუნ,
ნამ მაზაკვალქ დომიჭყუ?
ჩქიმ კინოხონ დოხორეს
ამდღა ქუაქ დოკირცხუ,
ოკუმაფეშ შურ ინთხანდ
მუმაშ ოდას, უჭვესჷნ,
რინას ვაუღ ფურჩაშ ფასი,
მუმაშ გურშა მიჭვესჷნ.
ერამხუტუს გუნია, -
თქუეს, სოდგა ძირესჷნ,
პიჯის ფრიმულ ვამოჩანდ
ძიძესქუას, ჸვილესჷნ.
გაჩემებე კიპირისი, -
მიარჩქილენ, გურს უჩანს, -
ოქუმიშ წყარი, დომგარით,
ჩილამურო მექურჩანს.
ბორია ჸურანს, წყარ ინგარს,
ცა, ქომწი, მუ გილამუნ,
აფხაზაშ დო მარგალიში
ქანას მერჩხუნს ჩილამურ.