***ქჷდომიტუ ჭარაქ
Jump to navigation
Jump to search
ქჷდომიტუ ჭარაქ ხვალე,
ჩქიმი რინა გორთუ ოთხო,
ბორია რე გურიშჲ გალე,
ეთმიფშაფუ ნარღიშჲ კორთხო.
შური ორთას იკვირუანც,
კინ დირზინე დაჩხირ-ნოფა,
ზიტყვა,რინას მირთინუანც,
სქანჲ გურიშე მჷკნასოფა.
დინაფილი ბრელი მაფუ,
თი გოთანას ტყურათ ვნატრენქ,
ერჩქინაშე უძირაფუ,
სქანი სახე ქიწივლანტე.
რინას მუში ცოდა გარე,
მინჭუაფუ უჩა შვანი,
ჩქიმი შური წინგი ვარე,
გონწყანი დო დოკიჩანი.
თე აკანეფც ვიკვირუა,
მინ თეში დო მინი თაში,
უჩურცხალი ორე ჭუა,
მარა ღურუ უფურაში.
თე ქიანა-ღეჯიშჲ როფე,
კოჩიშჲ ნტერი ირო რდუა,
ომბოლიში კვერი ჸოფე,
მარა დღასჷ ვემირდუა.
2014 წანა, ღურთუთა.