*ჰეი, სი ჭარა
Jump to navigation
Jump to search
ჰეი, სი ჭარა, აკა მუნერჲ რინა მოჭარე,
გეკომთხოზინე უჩა ბორჯი - ჸალა დო შერი,
სქან შქასერს მუჭო გათანუანს ჩქიმი ოჭმარე,
ორდო იფაჩ დო ორდო ხომუ ჩქიმი ფეშერი.
ხოლო ბრელიშა მოკათაფა გილამ ხანგური,
ბრელჲ მაბოშია დონთხაფე დო ეკორჩინელე,
მი რდჷ ქიანას ჸათე ჩქიმი გურიშ მანგური,
სო მითაქვირსი, მუ ხანი რე ვემკორჩქინელე.
ოშშა ნაჭკირა, უჸვაიჭარექ ართშა გობზიმი
დო ჯვეშ ორჩხეშე ეშაღალირჲ ბგუდი ყამასჷ,
ჩქიმ ჩხანაიას მუნაფათჷ ეკათხოზინი,
თიშ უკულჲ ვორექ გორწაფილი ეკონთხაფასჷ.
ხვალახე მუშენჲ მიკომიტე, მუშენჲ მეგური,
ლერსიშ ლაწკარეფჲ სქან ოცქვაფურს ალმორკიანა,
სი ჩქიმ ჭყელჲ რინაშ უჩურცხალი ორექ ებგური
დო სქან უმუშო ღურა ხოლო ვამჭარ ქიანას.