*ჭარაშ ხონარჲ

by გიორგი ხულორდავა

please do not remove empty parameters (see the template documentation).

*** by გიორგი ხულორდავა

ჭარაშ ხონარჲ მიკეკუანს,
"თაშჲ ბირგული მუშენ დიშქვი",
ვაბაღჷნო თეზმა ჭუა,
დიო ჭვემა, უკულჲ თიშქვი.

ცაშჲ კონკაშა მუშა იდი,
ჩქიმდა ვარე თეზმა შორი,
სერდაცალო დობწირიდი,
უჩა ღართი ქინმოფორი.

ხიოლჲ ვარე გურიშ გალე,
მიკირულე მუზმა შვანი,
ანგილოზჲ რექ უფსუალე,
ჩილამურით ქომიგამი.

ოლებერი თუთაშ მორთა
გასიმართენს გურიშ ყებურს,
ნახვილა და ნაგორგოთა
სადღემუშოთ დეჸანებუ.

14.03.2014

ოფუტე სალხინო