*ჩქიმი დუქჷ ქჷგჷგალუ
ჩქიმი დუთქჷ ქჷგჷგალუ,
ფაფარი გჷთოღაჭილი ცირა!
მიზოჯი დო მიინალე,
მა ვა მოკო თიში ქირა!
შური დო ხორცი წამიწყმინდი,
ჯოჯოხეთის მუჩი ბინა, --
ჭყელი ვორდა, ქიმნარღა და,
ოღონდ ირო სი გიჯინა!
მუშენი რექ თეჯგუა ჯგჷრი,
ანგელოზიშ დასადარი?
მუ ღორონთქ დჷგაბადჷ
ჩქიმი გურიში მადაღალი?
თოლიშე დაჩხჷრი მოკვეცჷნც,
პიჯი გვალო ვარდიცალი,
ღვანწკი ჭითა, უშქურჯგუა,
ირ კოჩიში დასანჯარი.