*შქურნაფილშორო

From Wikisource
Jump to navigation Jump to search
please do not remove empty parameters (see the template documentation).
***
by გიგა ქავთარაძე

შქურნაფილშორო
გვალო დეუჩარჷ თე ჩეშმან დღაქით.
აკისერჷ.
მიკერკელჷ ბჟაშფერ თუთა
მურიცხიერ ცაშ ოკიანეს
უგუთებუო.
ურთაშ გვალაშე გერეფიშ ჸურაფი ირჩქილე
შურიშ წუმაჸონაფალო.
მეურს დო მიკარკუ წყარმალი
ჭერჭე გვერშორო ჩქინ გახოს.
ქვირფა მასქური შურს
ჩქიჩქუშ ხიოლით ეთმომიფშანა
ჰალამო.
მუკი-მუკი ნაკვაჩხირს ეკოჭუაფილ
ლაიტიშ შური ინთხანს დო
მაჸალენა ათენერ სერი…

ეშობას,
მა სქან გურიშ ბათქალიშ
რიტმი მაფჷ ეჭოფილი…
დო აჸ,
არწორო ვათენთ ჟირხოლო…

მუჭო მიჸორს თე შვანს
სქან თოთმაცურ ელაძიცა,
მოგოთანებორჯიშ ლუღშორო
ონდეთ გონწყუმილ სქან ლეშქვის
გინაჸუნუნ…