*ქინოფსკიდი თორსა, ჩირეს
Jump to navigation
Jump to search
ქინოფსკიდი თორსა, ჩირეს,
დო ფირქეფით ხან მოკორდუ.
ბრელ მოკოდჷნ ბძირი ჭიჭე,
ჭიჭე ბძირინ, ბრელ მოკოდუ.
ვალიებე მიჩქუ ბრელცჷ,
ცაშა გირძე შარა მებუ.
ვაწუჸოთა კირიბ გერცჷ,
შურ ინგარც დო მეჩიებუ.
არძა მიჩქუ სო რე ჭარა,
მიქ დინუ დო მიქჷ მორთუ.
ქიმკოჭვებუ დიხას ქვარა,
ისოფუ დო იკილოთუ.
კურცხე რინა ნოკობუე,
უკმელა დო უჩა სერცჷ.
მინ მონჭა რე, მინ კობუ რე,
მუკმოლუ დო მუკმოცენცჷ.
უბენარი ჸოფე ირო,
ლენიშფერ ცა – შურიში ონწე.
ჭვემათ მოულ, მინშა თირო,
ღორონთი არძა აკანც მორწყე.
ცას გეუნჯანქ ნოთე თოლეფც,
ეჰამებუ პეულც ჯინა.
გობჭყოლადუ მელენი,მოლენი,
მარა ართ დღას ქიგიბშინა.