*უსამართლობა აშინოძე ოდიშურ ალაგეს
| *უსამართლობა აშინოძე ოდიშურ ალაგეს by |
| იოსებ ყიფშიძე "რჩეული თხზულებანი" თბ.1994წ. ხ.353-354 |
უასამართობა აშინოძე ოდიშური ალაგეს.
პატონობაქ გინილუ ნი, მუს თქუანა სამანჯელს?
პატონეფი ნოჭკუმუე ხალხიში თია ჯამაგირს,
ხალხიქჷთი გეეცუუ, ქემკოჸუნა ლაკადენს,
უსამართო პატონეფი შურო მუთას აბადენს.
ხალხი დო მუში პატონეფქჷ ნაფიჩხოუს გეკანთხეს.
პატჷნეფქ ეცოდესუ, ვარა დუცუ ქეგლუკვათანდეს.
შიშის ღურელი პატონეფი ექი ქემიოყაყანდეს.
შქირენიში ღურელეფსუ ჸუდეშა სერიშა ვა მართეს.
ჸუდე მუჭო ქოძირესი, ჭიჭე გურქუ დემარგეს.
მუნეფიში მადჷლოსანეფი წვანელს გიოკაკანდეს.
გურმეშირილი პატონეფი მინდორს ქემწოყჷრტჷნდეს.
მარია დო კესარიას სუმჸ დუდელჸ ღუმუ ჸოფუდეს.
ოჩამჷრეშა მითულჷნა, სქასერს ქეითიკვაკუდეს;
ჩხვარუა ვა ნოჩქედესჷ დო ართიანიშა ქოუტვეფუდეს.
კაკუტი მეუტახჷდეს, ხეშე გეგწოლაფუდეს;
კაკუტეფიში ნოტეხეფი კუჩხის ქეგლანთხაფუდეს.
ონჯღორეში გურიშენი კოჩი ვე მკუნჭაფუდეს;
მუჭო შხაფილი კერიცალო მუნეფი ქეითიჩქვაფუდეს.
მუნეფიში ქომოლი-პატჷნეფი ცხვეკის ქეიშატახჷნდეს;
ქორა ქალალაფუნა ნი, ორტყაფუ ქომურტყაფუდეს.
ღუმუ ლიბუ ჸოფუნან დო ნოჸურს ქეიშაბაჸჷნდეს;
თითი ვა უცირჷდესჷ ნი, თეში ქენურღვაფუდეს;
ხვარჩინი ვა შიბუდესჷ ნი, ხეთჷთი გოუჭაბუდეს;
კირზა ვა შიბუდესჷ ნი, ბირცხათ ქოდუგაფუდეს;
ბირცხაში დჷნაგეფი ღუმუს პატჷნეფი ვა ურძღაფუდეს.
კითი მეჭვილი პატონეფსჷ რგილი წყარს გოთე ქაბუნდეს.
"ირო თაში იჸინია" -- ნგარა დოუჭყაფუდეს.