*რეხ, უკმელა მიპოპორუ
Jump to navigation
Jump to search
რეხ, უკმელა მიპოპორუ,
სორე სქანი თე, ოხორუ.
ტყა დო გვალას გილაფშურა,
გორო-გოროს გილარგორუ.
მებდინაფუ, ვამიძირუ,
ცას მურიცხეფ გაქთუცირუ.
სორე ცირა, სორე ცირა,
ჩქიმ შურ მუჭო გეშუწირუ.
გეცუნდელო რინაშ ჭვათო,
მუჭო მოკოდ ირო ართო.
ბურდანია, ნადაჩხირათ
დიმკირათ დო აკიბჭვათო.
ჩქიმი რინა გეჭაბილი,
ნაჭიროთა ეჭორთილი.
არძა, არძა ნასისმარუ,
გორჩელი დო გინოთილი.
ჩქიმი შური გეწონწილი,
ცაშე-ცაშა გენკოწილი.
ულირ ბორჯი გიჭყოლიდე,
გედირთი დო გეწონ წირი.
კინ იჭყაფუ გეხირჩაფი,
კინ მუთმანჭუ სარკო ჯაბი.
გური, გური გოფხირატუ,
ქუმორთი დო აკომჭაბი.
რეხ, უკმელა მიპოპორუ,
სორე სქანი თე, ოხორუ.
ტყა დო გვალას გილაფშურა,
გორო-გოროს გილარგორუ.