*ოწონდეშე კირიბ ღვარანც

From Wikisource
Jump to navigation Jump to search
please do not remove empty parameters (see the template documentation).
* * * ოწონდეშე კირიბ ღვარანც.
by ზაალ ჯალაღონია


 ოწონდეშე კირიბ ღვარანც.
 ჯას გალუაფ კინე კიდუ
 ბრელ მუდგარენი ორწყე ფარანც,
 ბრელი ნაფულა მუკმორჩქინდუ.

 კინ გიორე დიხას ჭყიშო.
 ცა მორღე დო მატაროზე.
 ლაბახონა ირქენც თიშო,
 კინ სკან ბორჯეფც ქეკათხოზე.

 დუდ ვეგლეღა დოკინელო.
 სკან ნახანდას არძა გარე.
 დოწკური-და დოღურ თელო
 თოლც განჯანქჷნ მუთუნ ვარე.

 მუ გაღოლე ქიანაშა?
 გურც გაჸვენუ მოშინელო.
 მეწირხელ დო მეზგუმონჯილ
 მეკარკატელი ოშინერო.

 გაკეპება ვარე ჯგირი,
 დო ჩიჩიეში ჯინა ჟიშე,
 ვართ ჭკორალა იჸი ირო
 გლახას ჯგირშა ვეგიაჭიშე.

 ღორონთი გიწინც დოირსხენი,
 ქიგედგუნქო კუჩხის ნოურც.
 რინა გაში თოისერი,
 ორდ გოთანა მალას მოურც.