*მუ ოკო ბჭარე

by გიგა ქავთარაძე

please do not remove empty parameters (see the template documentation).

*** by გიგა ქავთარაძე

მუ ოკო ბჭარე ასე მა ეფერ,
მუთ მიკიწონათ ოკო ჩქიმ რინა?
ნამდა დობღურენ, ჩილამურქ ფუას
თქვან თოლშე, ორდას დუღაში წიმა?!

გაგშაკოროცხით, მუთუნით ვეჸი,
უგაღექ მიგას თე კონწარ ლიმა!
მუდა უკუნეფქ ვეგნიკერკელას,
კარალოკ ვეჸი დღას, კოლო ხვიმა!

ვაბაღ, ფალუნდას, მუდგა იფსოფენ,
ჩქიმ ნაჭიროთა, ნაწვალებ ნინა...
თე ნინაქ ვაფუ, ვაპეულუ -და,
ჸინს მიკოჭარდას უკულ ჩქიმ შინა!

ეჩდომაბრუო ბჟას მითმიბთირა
დო ხოლო მუთა მიღ დიო რჩქინა.
გიწითინ ეთეშ, თქვა რეთ მუმალი
ნინაშ დო თქვან ხეს ორე თიშ ძინა!