*მუთ ეშე-ეშე მეულა

From Wikisource
Jump to navigation Jump to search
please do not remove empty parameters (see the template documentation).
***
by ზაალ ჯალაღონია

ნაკოროფა მურიცხეფი
ჭითა-ჭითა, ართო ციმუ.
ორთაქ ქიდირსიოლუნი
არძა ხეშე გაგწობციმუ.
კონკას ქელვოყიყინენი,
ათეჯგურაქ ქალმასიმუ:
,,ცაშე მუთუნ ვანკოწილა,
ვარხვადუ დო ვეცინცილა.
ტყურათ ვეკმოკიჟინა დო
შურ უმოღეთ ვეკიწირა."
- გოფჩიჩონდი ნახაფულა,
ულას ვაგუ, - ვარე მულა.
ხურგაშ მელე მივოჯინექ,
შარეფ მორჩქუ ართო ღულა.
გურიშ ჭუა მის ვეჩია,
სო რე კოჩი, სო რე ცირა.
უძირაფუ სოთინ ვა რე,
მიძირუნი, მუშა ბძირა.
ნაკოროფა მურიცხეფი
ჭითა-ჭითა, ართო ციმუ.
ორთაქ ქიდირსიოლუნი,
არძა ხეშე გაგწობციმუ.