*ლილჷ ჩქიჩქშორო
Jump to navigation
Jump to search
ლილჷ ჩქიჩქშორო ინგანტკვალუდჷ ღვალეფჲ
იძიცანდინჲ, ბჟათუნდჲ პეულშორო.
მიქურჩინუდჷ ჩქინ შურდგუმაშ დღალეფჲ...
მიგოჸოთჷ დო გეთუ, მეულჷ შორო!..
მორო, მუშა მიღირჷ მა ანწჲ რინა,
უსკანობათ ბჟაქ ქაწმოდინჷ თოლო,
ჩხორონერო გაკოფხართუ ნინა,
ღვინიშ გამათ, ხეს ქაფსკილადჷ თხოლო.
ხოლო მემიღჷ შურჲ დო მიფჭიროთუქ,
მუს აზინდე დამონკებულჲ შური!
ნიტე, ასე სო რექ დო მუს ორთუქ?
მუდა დღა რე თოლს ვამკობდვალჷ ლური...