*ლენფერ გინმოქუნს
Jump to navigation
Jump to search
ლენფერ გინმოქუნს ცაშ ფორჩა,
მექურჩანს გახოს წყარმალი,
მევულ დო ჭუეფს მევორჩა,
მითა პუნს ელმაჩამალი…
კინ გომიდვალუ მა ხინჯი
სქანდა მემაჸონაფალი,
ვორექ სქან ფურიშ მახინჯი,
ნარტიშ ემაჸონაფალი…
დითუთარჩელუ, გეპუნქ ზას,
ლანდ მა ვორექ დო მა – ლანდი.
ჩხე-ჩხურუშ გეშა გუმორზანს.
ჸუჩე გინულირს, ფქულანდი…
ქეწმაზადი დო ქემკირტე,
კინ შურს ქინმარგი პეული,
მოშქურ, ვარძირე, ეფჩირთე -
მორსიოლაფირ მეული.