*ვო ბურღა დო ბურღა-ვოდა, ჩე ფრიმული რჩანსჷ
1.
ვო ბურღა დო ბურღა-ვოდა, ჩე ფრიმული რჩანსჷ!
დღასჷ მისუ გაგონებუ შქა გჷმასჷ თჷრა? (რჩანსჷ)
ღუმუ იკორთელე-ვოდა, ღეჯი გამურსანსჷ,
ჸურზენიშა ქომკურინჷნა ჯოღორი დო ტურას. *
-- "ტურა-აცაბაცა-ოდა, სოშა მიოცაცა?
"სი მიქ მერჩჷ ოზჷრალო მუშჸ ოდა დო ფაცხა?
"მარგალეფიშ ოსურეფი ქოთომს ივარანა".
-- "დაბა მინჷმაშქვითია, ქობძირა დო ვარო? *
"მინით იბრულია-ოდა, გინოთი ვორულეი *
"შხუ-შხუ, შხუ-შხუ დადულეფი, შეფაშ კახილეი.
"სქანი ურმაშია*-ოდა გემიწკაფინეი,
"გა დო გასჷ გივოსხაპი დო გინიფჩილითეი.
"სქანი ლატყვაჟია-ოდა გემიტყვაჟინეი,
"ქიდიფებრცხელია-ოდა, გინიფჩილითეი".
--
ასეჲანი პატონენქჷ მუნოთ გესურასი,
ოკო რსულებუდასჷ ნი მოზისხარე ნტერი:
ხოჯი დოუჸვილი-ოდა, ფუჯი გეუძინი,
კურთხუს კჷნოღვარა̄ნსჷ უდიდოლჷ გინი.
პატიფცი ნი მიჩქჷდჷ დო დუდი მომწონდჷ ნი,
გეღანჸ ვა მიკითხესია ღურელი დო თელი.
2.
ვო ბურღა-და, ბურღა-ვოდა, ჩე ფრიმული რჩანცჷ!
დღასჷ მისჷ გაგონებუ შქა გჷმასჷ თჷრა?
ღუმუ ეკორთედუ-ვოდა, ღეჯი ქოჭკუმუნცჷ,
ჸურძენს ქიმიოშხჷდესჷ ჯოღორი დო ტურა.
-- "ტურა-აცაბაცაო-და, სოქიშა მიოცაცა?
"სი მიქ მერჩჷ თენი საზჷრეეთ?
"მარგალეფიშ ოსურეფი ქოთომც ივარანა".
-- "დაბა მინჷმაშქვითია, ქობძირა და, ვარო?
"მინჷთი იბრულია-ოდა გინოთი ვორულეე
"შხუ-შხუ, შხუ-შხუ დადულეფი, შეფაშ კახილეე;
"სქანი ვურმაშია-ვოდა გემიწკაფინეე,
"გა დო გას გივოსხაპი დო გიიფჩილითეე;
"სქანი ლატყვაჟია-ვოდა გემიტყვაჟინეე,
"დიიფევრცხელია-ვოდა გინიფჩილითეე".
--
ასეჲანი პატინემქ ოკონდა გესურას,
ოკონდა რსურებუდასია მოზჷსხარე ნტერი:
ხოჯი დოუჸვილი-ვოდა, ფუჯი გეუძჷნი,
ბოგას ქიგეღვარანცია უდიდოლი გინი.