*დინაფილჲ ვორექ
Jump to navigation
Jump to search
დინაფილჲ ვორექ, მუჭოთ ორსანტი,
ჩქიმ მარგარიტა წანეფქ მიხირეს,
ღურუშ შარა-კარს ქიმმოქოსანი,
მუზმა შოშე დო მუზმა ხირხი რე.
არძა აპიანჲ ქეშიბჭყოლიდე,
ჯვეში მერქეფი შურცჷ ღაფუნა,
ჩქინი ჸოროფა თეთჷ ბჭყოლი-და,
გეგმოიბჟინე გურიშ ნაფულა.
ქირქეს მიაჯინჲ, ზუღას გინორე,
კირიბიშ ზისხირჲ გეწუმე დიხას,
ირფელჲ ართიანც ქიმვოფითორი,
მის გიჩქ, გოთანაქ ღურუ ქიმიღას.
სო მინჭუაფჷ ჩქიმი სქილედი,
სო იჭანუანც შარა კვათილი,
ეკონიასჷ ქიმკვოსქილადექ,
აბორჯებულჲ დო დორაგვაფილი.
2014 წანა, 26. ფურთუთა