*გურცუ უჩა ჯაბო
Jump to navigation
Jump to search
გურცუ უჩა ჯაბო გჷნაკირა,
თე ჸოროფა დომორჩქალი ანწი,
მითინც ვაგჷდჲ ოქიანეს, ცირა,
ათე შარა თიშენ დოგიკვანწი.
ჩქიმოთ ზოთონც პეულანდჷ დოლო,
მაფშალია სქან ბაღწკჷმა ხედჷ,
ართშახ ვარა ვაბკითხენდი ხოლო,
თეზმა ჯაბი სოჲშახ მაღინედჷ.
ხოლო ფირქჲ დო ნარღიშ მოკათაფა,
ანწჲ თეზმაშა ვეგმადგინე დუდი,
ვამიჩქუ დო მუ ბქიმინა აკა,
ირო ჩქიმო მუშენ მიმოჩქუდი.
5. გჷმათუთა. 2014 წანა.