*გალე ფურცელს ნოღართია

From Wikisource
Jump to navigation Jump to search
please do not remove empty parameters (see the template documentation).
* * * გალე ფურცელს ნოღართია
by ზაალ ჯალაღონია

გალე ფურცელს ნოღართია,
გამკუნწყუმ, ქუჸოთამ,
ხაბულურც მოფერდაშე,
შურო ვა მიჩქ მუ ოთამ.
მათ ეღები დოფთირუ დო
ცა დო დიხა დოთანთარე.
იხი გილეთირთოლუ დო,
გასორება ოკარაკალე.
ლეწეწერი მუნაფა
გარაგანიშ ნაქართა.
ცას მუნოძუ ჩხორო ფა
ნაშაყარა, აგვართა.
მუჭო ქუმომჸუმენუ
თოლოწონდეშ ძირაფაქ,
დიხას გერჩელ დღალეფიშ,
კინე აკორინაფაქ.
ნაგოლოფა დიხაშე
პეულეფიშ რჩქინაფაქ.
ნაშაყარა მუნაფა
ათე ორთას მუნაფაფ.