*ართიშა იშენ
ართიშა იშენ დოიძახუ
ოდო-ბადე, სოდგა რდენი,
ბაღანობას ენგურპიჯის
ჩქიმ ფირქეფი ინვორტენი,
შურ-ბორიათ გეუფალ დო
შქა შარაშე ქამწმაზადუ-
ბაბუშ ხამუთ ნაცალაქ დო
ბებიშ ხვამათ ნაზადაქჷ,
ქომწორუ დო ქაწობხვადუ,
ანწი მათი მიბძირუა,
ყებურც კართას დობგორუნქ დო
ჭიჭე შურის მიბტიბუა,
ჯვეშ არიკეფს მიბრჩქილუა-
სოვრე მობრთი, სონ მანტებუ...
ლადირც ხუმლა ვალუდვი და
დიშქას დაჩხერი ვამანტებუ...