*ანწჲ მითინი ვარე

by გიორგი ხულორდავა

please do not remove empty parameters (see the template documentation).

*** by გიორგი ხულორდავა

ანწჲ მითინი ვარე სქანი მინჯე,
ვაგორხველუ ალება დო რსხება,
უსქანობათ ოკო ქჷმოფსინჯე,
რახან თენა რდჷ ღორონთიში ნება.

გუვანგარდი ჸოროფაში ჯასჷ,
ჩქიმოთ იშენჲ დღას ვაჸოფე მონდა,
ღიაბჲ გურშე ვეშამღალჷ დღასჷ,
მაბოშიაშ ხიოლცალო წკონდა.

ხვათახვალე ცოდაცალო ფჩქუდი,
ტყურათ შხვაშო იბხანდი დო ბჭვარი,
წანეფც ეშე მეუღჷნა დუდი
დო დჷთმოსკიდ მესაფულეშ ბარი.

18.09.2014 წ.