ᡥᠠᠯᡥᡡᠨ ᠠᡴᡡ ᠪᠣᠯᡤᠣ ᠰᡝᡵᡤᡠᠸᡝᠨ
| ← ᠯᡳᠩ ᡷᡳ ᡳ ᠵᡠᡤᡡᠨ᠈ ᡨᡠᡤᡳ ᡳ ᡩᠠᠯᠠᠨ᠉ | ᡥᠠᠨ ᡳ ᠠᡵᠠᡥᠠ ᠠᠯᡳᠨ ᡳ ᡨᠣᡴᠰᠣ ᡩᡝ ᡥᠠᠯᡥᡡᠨ ᠪᡝ ᠵᠠᡳᠯᠠᡥᠠ ᡧᡳ᠉ ᡥᠠᠯᡥᡡᠨ ᠠᡴᡡ ᠪᠣᠯᡤᠣ ᠰᡝᡵᡤᡠᠸᡝᠨ᠈ ᠴᡳᠩ ᡤᡠᡵᡠᠨ ᡳ ᡧᡝᠩᡯᡠ |
→ ᠵᡠᠸᠠᡵᡳ ᠪᡝ ᡩᠣᠰᠣᠪᡠᡵᡝ ᠠᠯᡳᠨ ᡳ ᡤᡠᠸᠠᠨ᠉ |
| 無暑清凉 |
ᠯᡳᠩ ᡷᡳ ᠰᡝᡵᡝ ᠵᡠᡤᡡᠨ ᠪᡝ ᠵᠠᡶᠠᡶᡳ᠈ ᠠᠮᠠᠰᡳ ᡤᡝᠨᡝᠮᡝ᠈
ᠮᠠᠵᡳᡤᡝ ᡩᡝᡵᡤᡳ ᠪᠠᡵᡠ ᠮᠠᡵᡳᠮᡝ᠈
ᠠᠵᡳᡤᡝ ᠠᠯᡳᠨ ᡳ ᡩᠠ ᠪᡝ ᡩᡠᠯᡝᠴᡳ᠈
ᡶᡠᠯᡤᡳᠶᠠᠨ ᡧᡠ ᡳᠯᡥᠠ ᠣᠮᠣ ᡩᡝ ᠵᠠᡴᠰᠠᡴᠠᠪᡳ᠈
ᠨᡳᠣᠸᠠᠩᡤᡳᠶᠠᠨ ᠮᠣᠣ ᡩᠠᠯᠠᠨ ᠪᡝ ᡧᡠᡵᡩᡝᡥᡝᠪᡳ᠉
ᠵᡠᠯᡝᠰᡳ ᡶᠣᡵᠣᡥᠣ ᠠᠮᠪᠠ ᠪᠣᠣ ᠣᠨᠴᠣ ᠰᡠᠯᡶᠠ ᠪᡳᠮᡝ᠈
ᡤᠣᠯᠮᡳᠨ ᠨᠠᠩᡤᡳᠨ ᠰᡳᡵᠠᠨ ᠰᡳᡵᠠᠨ ᡳ ᠵᠣᠣᠯᠠᠪᡠᡥᠠᠪᡳ᠉
ᡝᡵᡝᠪᡝ ᡥᠠᠯᡥᡡᠨ ᠠᡴᡡ ᠪᠣᠯᡤᠣ ᠰᡝᡵᡤᡠᠸᡝᠨ ᠪᡝ ᠰᡝᠮᠪᡳ᠉
ᠠᠯᡳᠨ ᡳ ᠰᡝᡵᡤᡠᠸᡝᠨ ᡝᡵᡩᡝ ᡳᠰᡳᠨᠵᡳᠮᡝ᠈
ᠮᡠᡴᡝᡳ ᠶᠠ ᡝᠯᡥᡝᡳ ᠶᠠᠮᡝ ᠰᡝᡵᡤᡠᠸᡝᠰᠠᡴᠠ ᠠᠪᠰᡳ ᠰᠠᡳᠨ ᠨᡳ᠉
ᡥᠠᠯᡥᡡᠨ ᡩᡝ ᠰᡝᠩᡤᡠᠸᡝᠮᡝ ᡳᠨᡝᠩᡤᡳ ᡤᠣᠯᠮᡳᠨ ᠣᠵᠣᡵᠣ ᠵᠠᠯᡳᠨ ᡩᠣᡳᡤᠣᠨᡩᡝ ᠵᠣᠪᠣᡧᠣᠮᠪᡳ᠉
ᠰᡝ ᠪᠠᡥᠠᠮᡝ ᡝᡴᡳᠰᠠᡴᠠ ᡩᡝ ᠠᠮᡠᡵᠠᠨ ᠣᡶᡳ ᡝᠯᡝ ᡨᠠᡨᡥᡡᠨᠵᠠᠮᡝ ᠨᠠᡵᠠᡧᠠᠮᠪᡳ᠉
ᡳᠯᠠᠨ ᡶᡠ ᡩᡝ ᡥᠠᠯᡥᡡᠨ ᠪᡝ ᠪᡝᡩᡝᡵᡝᠪᡠᡵᡝ ᠪᠣᠯᡤᠣ ᡝᡩᡠ ᡳᠰᡳᠨᠵᡳᠮᠪᡳ᠈
ᡠᠶᡠᠨ ᠵᡠᠸᠠᡵᡳ ᡩᡝ᠈ ᠰᡝᡵᡤᡠᠸᡝᠨ ᠪᡝ ᠣᡴᡩᠣᡵᠣ ᠰᠠᡳᡴᠠᠨ ᠣᡵᡥᠣ ᠪᠠᠨᠵᡳᠮᠪᡳ᠉
ᡩᠠᠴᡳ ᡩᡠᠪᡝᡩᡝ ᡳᠰᡳᡨᠠᠯᠠ ᡴᡳᠴᡝᠮᡝ ᡶᠠᡧᡧᠠᡥᠠ ᠪᠠᠪᡝ ᡤᡡᠨᡳᠨ ᡩᡝ ᡥᠠᡳᡵᠠᠮᡝ᠈
ᡝᡵᡳᠨ ᡩᡝ ᡨᡠᠰᠠᠩᡤᠠ ᠠᡵᡤᠠ ᠪᡝ ᠪᡝᠶᡝ ᡩᡝ ᡶᠣᠨᠵᡳᠮᡝ ᡤᡡᠨᡳᠨᠵᠠᠮᡝ ᠶᠠᠪᡠᠮᠪᡳ᠉
ᡠᠨᡨᡠᡥᡠᠨ ᡳ ᡶᡝᡵᡤᡠᠸᡝᠴᡠᡴᡝ ᠪᡝ ᡨᡠᠸᠠᡴᡳᠶᠠᡵᠠᡴᡡ ᡴᡝᠮᡠᠨᡳ ᡩᠠᠰᠠᠨ ᠪᡝ ᠸᡝᠰᡳᡥᡠᠯᡝᠮᠪᡳ᠉
ᡨᠠᡴᠠ ᠮᡠᠵᡳᠯᡝᠨ ᠪᡝ ᠰᠠᡵᡨᠠᠪᡠᠮᡝ᠈ ᠠᠯᡳᠨ ᠮᡠᡴᡝᡳ ᡨᠣᡴᠰᠣ ᡩᡝ ᡠᠵᡳᡴᡳ᠉