ᡞᠯᠠᠨ ᡤᡠᠷᡠᠨ ᡞ ᡪᡠᠯᡝᠨ/1
Jump to navigation
Jump to search
ᡠᠵᡠᡳ ᡫᡞᠶᡝᠯᡝᠨ᠈ ᠠᠪᡣᠠ ᠨᠠ ᡩᡝ ᠸᡝᠴᡝᠮᡝ ᡨᠣᡠ᠋ᠷᠣ ᠶᠠᡫᠠᠨ ᡩᡝ ᡪᡠᠷᡤᠠᠨ ᡳ ᡥᠠᡪᡞᠯᠠᡥᠠ ᠉
ᠠᠮᠠᡤᠠ ᡥᠠᠨ᠋ ᡤᡠᠷᡠᠨ ᡞ ᡥᡡᠸᠠᠨᡩᡞ ᡠᠷᡞᡥᡝ ᠮᠠᡢᡤᡞ᠈ ᡪᡠᡞ ᠯᡞᡢᡩᡞ ᠰᠣᡠ᠋ᠷᡞᠨ ᡩᡝ ᡨᡝᡥᡝ᠉ ᡨᡝᠷᡝ ᡫᠣᠨᡩᡝ ᡪᡠᠸᠠᠨ ᡪᡠᠸᡝ ᠰᡝ ᠪᡞᡥᡝ᠉ ᡤᡠᠷᡠᠨ ᡩᡝ ᠠᠮᠪᠠ ᡪᡞᠶᠠᡢᡪᡞᠶᡡᠨ ᡩᡝᡠ᠋ ᡠ᠈ ᡨᠠᡞᡫᡠ ᡥᠠᡫᠠᠨ ᠴᡝᠨ ᡫᠠᠨ᠈ ᠰᡟᡨᡠ ᡥᠠᡫᠠᠨ ᡥᡡ ᡤᡠᠸᠠᡢ ᠪᡞᡫᡞ ᡞᠯᠠᠨ ᠨᠣᡫᡞ ᡠᡥᡝᡞ ᡥᠠᠨ ᡩᡝ ᠠᡞᠰᡞᠯᠠᠮᠪᡞ᠉ ᠪᠣᠯᠣᠷᡞ ᡠᠶᡠᠨ ᠪᡞᠶᠠ ᡩᡝ᠈ ᡮᠣᡠ᠋ ᡪᡞᠶᡝᡞ᠈ ᠸᠠᡢ ᡫᡠ ᡤᡝᠪᡠᡢᡤᡝ ᡪᡠᠸᡝ ᡨᠠᡞᡤᡞᠶᠠᠨ ᡨᠣᡠ᠋ᠰᡝ ᠪᡝ ᡪᠠᡫᠠᡫᡞ᠈ ᠮᡠᡪᡞᠯᡝᠨ ᡞ ᠴᡞᡥᠠᡞ ᠶᠠᠪᡠᠷᡝ ᠪᡝ᠈ ᡩᡝᡠ ᡠ ᠴᡝᠨ ᡫᠠᠨ ᠸᠠᡣᡞ ᠰᡝᠮᡝ ᡥᡝᠪᡝᡩᡝᡫᡞ᠈ ᡥᡝᠪᡝ ᠪᡝ ᠨᠠᠷᡥᡡᡧᠠᡥᠠᡣᡡ ᠣᡫᡞ᠈ ᡪᡠᠸᡝ ᡨᠠᡞᡤᡞᠶᠠᠨ ᡩᡝ ᠸᠠᠪᡠᡥᠠ᠉