ᠨᠠᡩᠠᠨ ᠠᠮᠪᠠ ᡴᠣᡵᠣ
| ᠨᠠᡩᠠᠨ ᠠᠮᠪᠠ ᡴᠣᡵᠣ ᠨᡠᡵᡤᠠᠴᡳ |
ᠮᠠᠨᠵᡠ ᡤᡠᡵᡠᠨ ᡳ ᡤᡝᠩᡤᡳᠶᡝᠨ ᡥᠠᠨ᠈ ᡩᠠᡳ᠌ᠮᡳᠩ ᡤᡠᡵᡠᠨ ᠪᡝ ᡩᠠᡳ᠌ᠯᠠᠮᡝ ᠶᠠᡶᠠᡥᠠ ᠮᠣᡵᡳᠨ ᡳ ᠵᡠᠸᡝ ᡨᡠᠮᡝᠨ ᠴᠣᠣᡥᠠ ᠪᡝ ᡤᠠᡳ᠌ᡶᡳ ᡩᡠᡳ᠌ᠨ ᠪᡳᠶᠠᡳ ᠵᡠᠸᠠᠨ ᡳᠯᠠᠨ ᡩᡝ ᡨᠠᠰᡥᠠ ᡳᠨᡝᠩᡤᡳ ᠮᡝᡳ᠌ᡥᡝ ᡝᡵᡳᠨ ᡩᡝ ᠵᡠᡵᠠᡴᠠ᠈ ᡨᡝᡵᡝ ᠵᡠᡵᠠᠨᡩᠠᡵᠠ ᡩᡝ᠈ ᠠᠪᡴᠠ ᡩᡝ ᡥᠠᠪᡧᠠᠮᡝ ᠠᡵᠠᡥᠠ ᠪᡳᡨ᠌ᡥᡝ ᡳ ᡤᡳᠰᡠᠨ᠈ ᠮᡳᠨᡳ ᠠᠮᠠ ᠮᠠᡶᠠ᠈ ᡩᠠᡳ᠌ᠮᡳᠩ ᡥᠠᠨ ᡳ ᠵᠠᠰᡝᡳ ᠣᡵᡥᠣ ᠪᡝ ᠪᡳᠯᠠᡥᠠᡴᡡ᠉ ᠪᠣᡳ᠌ᡥᠣᠨ ᠰᡳᡥᠠᠪᡠᡥᠠᡴᡡ᠉ ᠪᠠᡳ᠌ᠪᡳ ᠵᠠᠰᡝᡳ ᡨᡠᠯᡝᡵᡤᡳ ᠸᡝᡳ᠌ᠯᡝ ᡩᡝ ᡩᠠᡶᡳ᠈ ᠮᡳᠨᡳ ᠠᠮᠠ ᠮᠠᡶᠠ ᠪᡝ ᡩᠠᡳ᠌ᠮᡳᠩ ᡤᡠᡵᡠᠨ ᠸᠠᡥᠠ᠈ ᡨᡝᡵᡝ ᡝᠮᡠ᠈ ᡨᡠᡨᡨᡠ ᠸᠠᠴᡳᠪᡝ᠈ ᠪᡳ ᡤᡝᠯᡳ ᠰᠠᡳ᠌ᠨ ᠪᠠᠨᠵᡳᡵᡝ ᠪᡝ ᠪᡠᠶᡝᠮᡝ ᠸᡝᡥᡝᡳ ᠪᡳᡨ᠌ᡥᡝ ᡳᠯᡳᠪᡠᠮᡝ᠈ ᡩᠠᡳ᠌ᠮᡳᠩ᠈ ᠮᠠᠨᠵᡠ ᠶᠠᠶᠠ᠈ ᡥᠠᠨ ᡳ ᠵᠠᠰᡝ ᠪᡝ ᡩᠠᠪᠠᠴᡳ᠈ ᡩᠠᠪᠠᡥᠠ ᠨᡳᠶᠠᠯᠮᠠ ᠪᡝ ᠰᠠᡥᠠ ᠨᡳᠶᠠᠯᠮᠠ ᠸᠠᡴᡳ᠈ ᠰᠠᡶᡳ ᠸᠠᡵᠠᡴᡡ ᠣᠴᡳ᠈ ᠸᠠᡵᠠᡴᡡ ᠨᡳᠶᠠᠯᠮᠠ ᡩᡝ ᠰᡠᡳ ᡳᠰᡳᡴᡳᠨᡳ ᠰᡝᠮᡝ ᡤᠠᠰᡥᡡᡥᠠ ᠪᡳᠪᡝ᠈ ᡨᡠᡨᡨᡠ ᡤᠠᠰᡥᡡᡥᠠ ᡤᡳᠰᡠᠨ ᠪᡝ ᡤᡡᠸᠠᠯᡳᠶᠠᡶᡳ᠈ ᡩᠠᡳ᠌ᠮᡳᠩ ᠨᡳ ᠴᠣᠣᡥᠠ ᠵᠠᠰᡝ ᡨᡠᠴᡳᡶᡳ ᠸᡝᡥᡝ ᡩᡝ ᡩᠠᡶᡳ ᡨᡠᠸᠠᡴᡳᠶᠠᠮᡝ ᡨᡝᡥᡝᠪᡳ᠈ ᡨᡝᡵᡝ ᠵᡠᠸᡝ ᡴᠣᡵᠣ᠈ ᠵᠠᡳ ᠴᡳᠩᡥᠣ ᠴᡳ ᠵᡠᠯᡝᠰᡳ᠈ ᡤᡳᠶᠠᠩ ᡩᠠᠯᡳᠨ ᠴᡳ ᠠᠮᠠᠰᡳ ᠠᠨᡳᠶᠠ ᡩᠠᡵᡳ ᡩᠠᡳ᠌ᠮᡳᠩ ᡤᡠᡵᡠᠨ ᡳ ᠨᡳᠶᠠᠯᠮᠠ ᡥᡡᠯᡥᠠᠮᡝ ᠵᠠᠰᡝ ᡨᡠᠴᡳᡶᡳ ᠮᠠᠨᠵᡠ ᡳ ᠪᠠ ᠪᡝ ᡩᡠᡵᡳᠮᡝ ᠴᡠᠸᠠᠩᠨᠠᠮᡝ ᠨᡠᠩᠨᡝᡵᡝ ᠵᠠᡴᠠᡩᡝ᠈ ᡩᠠ ᡤᠠᠰᡥᡡᡥᠠ ᡤᡳᠰᡠᠨ ᠪᡳᡥᡝ ᠰᡝᠮᡝ ᠵᠠᠰᡝ ᡨᡠᠴᡳᡴᡝ ᠨᡳᠶᠠᠯᠮᠠ ᠪᡝ ᠸᠠᡥᠠ ᠮᡠᠵᠠᠩᡤᠠ᠈ ᡨᡠᡨᡨᡠ ᠸᠠᡥᠠ ᠮᠠᠩᡤᡳ᠈ ᡩᠠ ᡤᠠᠰᡥᡡᡥᠠ ᡤᡳᠰᡠᠨ ᠪᡝ ᡩᠠᠪᡠᡵᠠᡴᡡ᠈