ჸურუმია სარკო სერს

by თემურ ელიავა.

please do not remove empty parameters (see the template documentation).

ჸურუმია სარკო სერს by თემურ ელიავა.

ჸურუმია სარკო სერს,
ჭარა მარე მელერსეს,
დოთუნს,დოთუნს ფართო ფათ,
რუმე სერიშ მუნაფათ,
ზოთონჯქ გურშა ქათმაკათ,
ცა დო გოლაქ გეგმიწყურ,
თოლონჭეშახ ქატუ შურჲ,
ღალუშ გინალს თუთაშ ლანდს,
ქუგუჸინაფ, სარკალანს
გაჭირებულ გურმეჭვია,
ნოჸელს გილაცანცალანს,
კისერს გუნწყუმ ობინალ,
ჸაშა ქიმკუტყობინალ
შქურინაფილ შურჲ ეშმალ,
იშენ ვააფ შურიშ ქალჲ,
გურმეჭვია სი გურჭვილჲ,
გოკუჭილ დო თოლხუჭილჲ,
მათ გურს მიჭუნქ გურმეჭვია,
თეშით ქუმაფ გურმეჭვილჲ,
ჸურუმია სარკო სერს,
ვადოსქიდა ჩქიმ ოზეს,
ჸურუმია სარკო სერს,
ჭარა მარე მელერსეს!