ჸოროფილიში სიცოცხლე

by ჯვეში მარგალური პოეზია

please do not remove empty parameters (see the template documentation).

ჸოროფაში გაჭირება by ჯვეში მარგალური პოეზია

წყუ:მაკარ ხუბუა, მეგრული ტექსტები. ტფილისი 1937.

წვალებური სიცოცხლესჷ კოჩიშოთჷ ღურა უჯგუ.
აჲშა დუდი ვა ბჯოგჷდჷ, ანწი რინა ვა მოხუჯუ.
ქომიწი, სქანი ჭირი, მუ ფქიმინა, მუჭო უჯგუ!
შური, სქანი ჸოროფაქჷ, დამაჸუნგჷ, დამამუნჯუ!
ჸოროფა რე სნეულება, მაჸვილარი გურიშ ჭუა.
ჸოროფაშე დუდიშ დაცვა, ვა მაღორა, ვა მიწუა!
ჸოროფასჷ ვა ახვარჷ სიმაგრე დო ვართჷ ჭკუა!
მუშ დუდიშო გილოურსჷ შური წაულირიშ სქუა.
ჸოროფა რე უსამართო, კოჩიშ გურიშ მაჭყვიდალი.
ღირსება დო ვართ გვარიში ინა ვა რე მაგორალი.
ხან სინათეს გოძირანს დო ხან თოლეფიშ მაფორალი.
დო ბრელიშა ბოლო დროსჷ გვალო დიხაშ მათხორალი.