ჸელი სერი
Jump to navigation
Jump to search
| ჸელი სერი by [[Author:კოტე ნაჭყებია|]] |
| https://www.facebook.com |
ირკოს ლურსუ, ხვათახვალე,
მა ვორექჷ, ვორწყექ კურცხე,
რულიწკჷმა მუ გჷგალე,
მუდგჲა სისმარჲ კჷლაბუცხე.
ჟინოთიშე ცა მინძგერსჷ,
ათმაჭაბაკ, დიხა, თუდო,
დღა მეუღუ ჸალა გერსჷ,
შურჲ ნგარათჷ იხართუ დო
იშენჲ მუკი ძიცინი რე
ჩხანჭიერი ჩხორიაში,
აწმარინე მუში მი რე
ჸელჲ ბორჯიში მორიაში.
გვალა_გვალას ნირსეფი რე
თუმაცალო ეღაჭილი,
იკეკე დო ისოფინე
გურჲ გაფუდას მუდგჲა ჭვილი.
ვესოფენი, ბორჯჲ ღალასჷ
მიოტენსჷ თორსეფიში,
უკულჲ მუთუნს ვარჩქილინე
ჩქიმჷ შურიში ნოსოფიშა.
25. 02. 2016 წანა.