ჸათეჯგუა ჩქიმი რინას
Jump to navigation
Jump to search
ჸათეჯგუა ჩქიმი რინას
ღორონთუმე, ღურა უჯგუ,
მუთ მოჭირუნ, კოჩიშ ხეშე
ბედიშ გენაჭარაქ მუჩუ.
განიშე თიქ დომიდირთუ
მისჷთ გური გუუნწყინი,
მით ლუბაშა მილებხუნე,
მისით ღვინი მუუნჭყინი.
მიშ ოფარეს ეკუოჭუა
ოშიშახ ნაცოდილა გური,
შხვაშა მუთა მარაგადე,
მუჟამს მღალატენსჷ თური.
ჯგირიშენი გორაფა დო
ცქვაფა მიღუ ფურიშენი,
არძაქ თოლი გელამიღუ
ჩქიმ ნაჯგირაშ გურიშენი.
ღორონთჲ, ხვალე სქანი მენდო
მუჟამიშახ ვორდა ხოლო,
დღასჷ ქუმორჭიშაფუნო
ღვინსჷ ოსხუნუეს თხოლო?
უშინ* გემაფოფორუ დო
მიფერუანს ჯიმაშორო,
ფერაფიშენ ფერაფი დო
გინუართეო ოკო წორო?!
*უშინუ - გვერი