ჸაზახი დო გვერი

From Wikisource
Jump to navigation Jump to search
please do not remove empty parameters (see the template documentation).
ჸაზახი დო გვერი
by ჯვეში მარგალური პოეზია
იოსებ ყიფშიძე "რჩეული თხზულებანი" თბ.1994წ. ხ.378-379

თურმე აფუნს ჸაზახიშა
ქიმისარსალჷ გვერქია.
-- "ჯიმა, ასე შხვა ვორექი,
"თეს მუჭო ორწყექია?
"ანწი წორო დობდჷრთათჷ,
"ნუ გოშქურუნია ჩქიმდა:
"ჯვეში კანი დიიბთჷრე,
"შური-გური მაფუ წმინდა".
-- "ვარ, ვარ ვებღორინექ,
"სი გოკონ დო ფიქრენქი ეში!
"კანი დოგითჷრუ, მარა
"გიღუ გური კჷნი ჯვეში.
"სი მუს გჷმათჷრეედი?
"გვერი ლექი, გვერი, გვერი!..
"მოჯგირალაშა მისხუნუ,
"სი მაფუდე ირო ნტერი".
ქუწუ თენა ჸაზახიქჷ დო
ქიხვამილუ ხეთე ბიგა,
ბჟაში სინთეს მააშორჷ
უწამო დო გური ნირგა.